مسلسل الإختيار حتى الأن# ملحمة درامية عبقرية أم مسلسل جميل ولكنه OVERRATED؟؟؟؟
مسلسل الإختيار حتى الأن# ملحمة درامية عبقرية أم مسلسل جميل ولكنه OVERRATED؟؟؟؟
مضمون المناقشة :
1_طاقم التمثيل.
2_ضيوف الشرف (حبة الكريز).
3_معلومتان لا تعرفهما عن المسلسل ؟
4_ما يجعله الأفضل حتى الأن فى رأى كل متابعيه ؟
5_مشاهد عبقريه.
6_رابط مشاهدة وتحميل الحلقة العاشرة .
1_طاقم التمثيل:
 |
| أحمد العوضى فى دور هشام عشماوى |
 |
| أمير كرارة فى دور أحمد منسى |
 |
| ضياء عبد الخالق فى دور الأمير أبو عبدالله |
 |
| دينا فؤاد فى دور نسرين |
 |
| أحمد فؤاد سليم فى دور صابر منسى |
 |
| محمود حافظ فى دور سعد |
2_ضيوف الشرف:
إياد نصار و كريم محمود عبد العزيز و محمد إمام و صلاح عبد الله و محمد رجب وعمرو سعد وشريف منير و كريم عبد العزيزو اسر ياسين و أحمد رزق و إيهاب فهمى و ماجد المصرى......
3_معلومتان لا تعرفهما عن المسلسل ؟
1_بطل المسلسل النجم أمير كرارة صرح فى حوار تلفزيونى انه تلقى تدريبات شاقة جدا اصعب بمراحل من تدريبات مسلسله المشهور كلبش وان هذة التدريبات كانت على يد الرائد إسلام وديع .
2_الأسطورة الحقيقى العقيد أركان حرب أحمد صابر منسى قام بإنقاذ 600 جندى وإحباط 125 عملية إرهابية فى سيناء وذلك فى خلال 4 شهور فقط .
4_ما يجعله الأفضل حتى الأن فى رأى كل متابعيه ؟
الإختيار لحد دلوقتى يعتبر افضل مسلسل السنة دى متفوق على مسلسلات تانية زى البرنس فرأى جمهور كبير جدااا طب يا ترى دة ليه ؟
1_ان المسلسل مبنى على قصة حقيقية وعلى فترة معينة فى تاريخ مصر الحديث كلنا مرينا بيها واتأثرنا بأحداثها .
2_تدعيم المسلسل بصور و فيديوهات من الواقع كانت من أجمل مميزات المسلسل وكان لها تأثير كبير.
3-الحوارات ثم الحوارات ثم الحوارات : فى رأيى كانت أجمل حاجة فالمسلسل لإنها امتازت بالعقل والمنطقية الكبيرة جدا وتحديدا بين (هشام ومنسى )و(منسى والعساكر)و(منسى ووالده)و(سعد ووالدته )و(سعد ومعتصم ).
4_جودة الإشتباكات التى أقر البعض انها الأفضل من نوعها .
5_إمتياز ضيوف الشرف فى تأديه أدوارهم والتى كانت فى غاية الأهمية والجمال.
6_عمق البناء للشخصيات وتوضيح اهمية الاسرة فى نشأه كل شخصية .
7_وصل الإبداع إن المسلسل قدر يخلينا نتعاطف ولو للحظات مع بعض الشخصيات المكروهة زى هشام ومعتصم ودة بسبب نشأتهم وتربيتهم اللى أثرت فيهم فيما بعد.
5_مشاهد عبقرية:
من غير ما نتكلم عن مشاهد الإشتباكات اللى أظهرت جودة كبيرة جدا, فى مشاهد تانية كتير كانت مؤثرة جدا وليها أكتر من هدف...
1_
المشهد ده كان جميل جدا فى توضيح حاجة معظمنا عارفينها بس مش مدينها كل حقها وهى انه فى حين ما كانت عيلة منسى وقت الفطار فى رمضان بتشتكى من قطع النور المستمر وعيله عشماوى بتتهم معارضين الرئيس بمحاولة افشاله كان فى ناس بتموت عشان تحمينا وماتوا حتى من قبل ما يفطروا
2_
 |
| هشام عشماوى فى مرحلة الطفولة |
مشاهد طفوله هشام عشماوى واحمد المنسى كانت مهمة جدا فإبراز فرق التربية بين الولدين وازاى دة هيأثر عليهم فيما بعد.
3_
أخر حوار لسعد مع معتصم لما معتصم كان بيقنعه بالجهاد ووقتها بدأ حوارعقلانى بحت كان من أجمل مشاهد المسلسل.
4-
الشيخ ابو عبدالله موافقش ان هشام يقوم بعملية اغتيال وزير الداخلية بنفسة خوفا عليه وعلى أهميته وهشام وافق والمشهد دة بيبين عكس طريقه تفكير منسى وباقى قوات الجيش اللى ممكن يضحوا بحياتهم فسبيل مواطن واحد .
5_
مشهد بيوضح الفرق الجوهرى بين هشام ومنسى
- هشام اتعلم محدش يصعب عليه من اهله عشان لو جرى لهم حاجة ميتعطلش عن اداء مهمته فحين ان منسى كانت اسرته والعساكر اللى معتبرهم عيلته أهم حاجه فحياته واللى دخل الجيش فالاساس عشان يحميهم وده قاله لكل العساكر .
6_رابط مشاهدة وتحميل الحلقة العاشرة :
لضمان وصولك المنشورات أول بأول نرجو منك متابعة المدونة ليصلك كل جديد مصرى أو أجنبى
ليست هناك تعليقات